नेफ्टाको नोमिनेशनमा हिस्स बेनिशा

आइतबार आयोजना गरिएको ‘११ औं नेफ्टा अवार्ड’को नोमिनेशन समारोहमा पुगेकाहरु उत्कृष्ट ५ मै परेनन्, उत्कृष्ट ५ मा पुगेकाहरु अधिकांश पुगेनन् । 

समारोहमा नायिका बेनिशा हमाल पनि पुगेकी थिइन् । बेनिशा उत्कृष्ट ५ का लागि प्रबल दाबेदार समेत थिइन् ।  किनकी, गतबर्ष उनी अभिनित २ फिल्म ‘प्रेमगञ्ज र छक्का पन्जा ४’ले खुबै चर्चा पाए । बेनिशाको अभिनयको चौतर्फी तारिफ फिल्म ‘प्रेमगञ्ज’बाट भएको थियो । व्यवसायिक रुपमा हिट भएको फिल्म ‘छक्का पन्जा ४’ सर्वाधिक धेरै विधामा समेत नोमिनेशनमा पर्यो ।

उत्कृष्ट फिल्म, उत्कृष्ट निर्देशक, उत्कृष्ट नायक, उत्कृष्ट सह–अभिनेत्री लगायतका विधामा यो फिल्म पर्यो । तर, यो फिल्मबाट नायिका बेनिशा हमाल उत्कृष्ट नायिकाको सूचीमा परिनन् । 

यो फिल्मबाट नपरेपनि बेनिशालाई फिल्म ‘प्रेमगञ्ज’बाट भने उत्कृष्ट ५ मा पर्ने आशा थियो । तर, नेफ्टा अवार्डको आयोजक र जुरीले बेनिशालाई हिस्स बनाइदिए । 

उसो त, अमेरिकामा आयोजना हुन लागेको यो अवार्डका लागि आयोजकलाई पनि भिसा भएकालाई मात्र लैजानु पर्ने  दबाब बढेको छ । यसैले, जोसँग भिसा छ, उनैलाई उत्कृष्ट ५ भित्र पार्न आयोजकले जोडबल गरेको देखिन्छ । 

बेनिशाले आफूलाई दर्शकले र समीक्षकले नै अवार्ड दिइसकेको तर्क गरिन् । तर, जुरीले एक पटक फेरि पुनः बिचार गरेर फिल्म हेरे भने बेनिशा उत्कृष्ट ५ को लागि प्रमुख दाबेदार हुन् ।