‘ए साथी सुन’को ट्रेलर: वर्षा लभर गर्लको भूमिकामा

वर्षा सिवाकोटी र रमेश बानियाँ अभिनित फिल्म ‘ए साथी सुन’को ट्रेलर सार्वजनिक भएको छ । 

जेठ ५ गतेबाट प्रदर्शनमा आउने फिल्मको सार्वजनिक २ मिनेट २४ सेकेण्ड लामो ट्रेलरमा वर्षा लभर गर्लको भूमिकामा छिन् । ट्रेलर हेर्दा फिल्म बदलाको कथामा बनेको अनुमान गर्न सकिन्छ ।

फिल्ममा आयन खड्का, सुशील पोखरेल, स्वर्गीय जयनन्द लामा, रमेश अधिकारी, विमला गिरीलगायतको अभिनय छ । कृष्मा खड्का र इभान सञ्जेल बाल कलाकारको भूमिकामा छन् । जयनन्द लामा अभिनित अन्तिम फिल्म बताइएको यो फिल्मको सहनिर्मातामा सञ्चारकर्मी समेत रहेका सुदीप पौडेल छन् ।

रामराघव आचार्यको लेखन तथा निर्देशन रहेको फिल्मलाई विना कार्की र सन्तोषकुमार राईले मिलेर निर्माण गरेका हुन् । इभान इन्टरटेनमेन्टको प्रस्तुतिमा निर्माण भएको फिल्मलाई आरआर फिल्म्सले वितरण गर्न लागेको हो ।