‘मर्डर मिष्ट्रि’को कथामा ‘अन्तिम संस्कार’, टिजरले बढायो उत्सुकता

असारको ८ गतेबाट रिलिज हुन लागेको फिल्म ‘अन्तिम सस्कार’को टिजर सार्वजनिक भएको छ । सार्वजनिक टिजरमा एक पात्र बेपत्ता भएपछि उनको खोजीको कथा देखाइएको छ । प्रदीप शाहीको निर्देशनमा तयार भएको फिल्मको कथा केही भिन्न लाग्छ । 

साई प्रोडक्शन नेपालको ब्यानरमा ह्रयाम्साएर एकाउन्टेनको सहकार्यमा निर्माण भएको यो फिल्ममा भाइराजा थापा, राजकुमार गुरुङ, सुमन राई, उत्सव बिष्ट, रवीन्द्र श्रेष्ठ कार्यकारी निर्माताको रुपमा छन् । विनोद सुवेदी क्षितिज निर्माता रहेको फिल्मले सामाजिक एवं सांस्कृतिक कथावस्तुलाई प्रस्तुत गरेको छ । 

फिल्मले ‘मर्डर मिष्ट्रि’लाई बोकेको छ । यो फिल्ममा विजय लामा, दिया पुन, एवनराज उप्रेती, त्रिचन्द्र राई, रेश्मा घिमिरे, विशाल पहारी, कृष्ण भक्त महर्जन, श्याम राई, पासाङ शेर्पा, दिग्गज खत्री, अस्मिता गिरी, आईशा तामाङ, सुरज खालिङ लगायतको अभिनय छ ।

बाबु श्रेष्ठको छायांकन रहेको यो फिल्मको कथावस्तुले दर्शकलाई उत्सुक बनाउने देखिन्छ ।