खगेन्द्र र दिव्याको फिल्मको नाम ‘बरिष्ठ बलराम’

निर्माता रोहित अधिकारीको निर्माण तथा सुरेन्द्र पौडेलको निर्देशनमा बन्न लागेको फिल्मको नाम ‘वरिष्ठ बलराम’ राखिएको छ । केही दिन अगाडि फिल्मको टिमको नाम सार्वजनिक गरिएको थियो । तर, फिल्मको नाम ‘वरिष्ठ बलराम’ राखेर काम अगाडि बढाइएको स्रोतले मेरो फिल्मलाई जानकारी दिएको छ । निर्माण पक्षले नाम भने सार्वजनिक गरेको थिएन । 

फिल्मको नामले पनि यसको कथावस्तु सामाजिक विषयमा तयार हुने बुझ्न सकिन्छ । फिल्ममा खगेन्द्र बलराम पात्रको भूमिकामा देखिनेछन् । 
 फिल्ममा नायक दिलीप रायमाझीकी छोरी दिव्‍या रायमाझीले काम गर्ने पनि पक्का भइसकेको छ । उनी, फिल्म साइन गर्न मे महिनाको अन्तिममा नेपाल आउँदैछिन् । 

फिल्मको पटकथा समेत खगेन्द्रले नै तयार पारिरहेका छन् । यो फिल्मको छायांकन भदौको पहिलो सातादेखि सुरु हुनेछ । 

यो फिल्ममा निर्माता रोहितले श्याम कँडेल र ओम अग्रवालसँग सहकार्य गर्दैछन् । साढे २ करोडको बजेटमा तयार हुने फिल्मको छायांकन काठमाडौं र विरगञ्जमा गरिनेछ ।