‘परस्त्री’को फस्टलुकमा बोल्ड शिल्पा मास्के

असारको १५ गतेबाट रिलिज हुन लागेको फिल्म ‘परस्त्री’को फस्टलुक सार्वजनिक गरिएको छ । निर्माणपक्षले सार्वजनिक गरेको फस्टलुकमा नायिका शिल्पा मास्केलाई बोल्ड अवतारमा देखाइएको छ । 

सार्वजनिक ३ पोष्टरमा शिल्पा कतै कामुक देखिएकी छिन् भने कतै उनी २ कलाकारसँग देखिएकी छिन् । 

सुरज पाण्डेले यो फिल्मलाई निर्देशन गरेका हुन् । शर्मिला पाण्डेको निर्माणमा तयार भएको फिल्ममा दीपेन्द्र के खनालको कथा छ । यो फिल्ममा शिल्पा मास्के र कोशिश क्षेत्रीको मुख्य भूमिका छ । फिल्मको कथावस्तु निर्माणपक्षले केही पनि खुलाएको छैन । तर, फिल्मको फस्टलुकले भने यसको कथावस्तुको केही चित्रण गरेको छ । 

यो फिल्मलाई नेपाली र हिन्दी भाषामा रिलिज गर्ने तयारी निर्माण कम्पनी डी एस डिजिटलले गरेको छ । यतिबेला हिन्दी भाषाको डबिङका लागि निर्माता र निर्देशक मुम्बइमा छन् । 

सार्वजनिक पोष्टरले दर्शकहरुमाझ तरंग पैदा गर्ने निश्चित छ । यो पोष्टरलाई ट्राइडेन्ट कन्सेप्टका रोयल भीमसेनले तयार पारेका हुन् ।