‘टुल्की’ को पोस्टर सार्वजनिक

जेठ १२ गतेबाट प्रदर्शनमा आउने बहुपति प्रथामा आधारित फिल्म ‘टुल्की’ को पोस्टर सार्वजनिक भएको छ। सार्वजनिक दुई पोस्टरमा मुख्य पात्र टुल्कीलाई स्थान दिईएको छ।

‘द पाल्म गुप्र प्रालि’ को ब्यानरमा निर्माण गरिएको उक्त फिल्म हिमाली क्षेत्रमा प्रचलित बहुपति प्रथामा आधारित हो । 

देव थापाको निर्देशन रहेको यो फिल्म हिमाली जिल्ला डोल्पामा छायाङ्कन गरिएको हो । फिल्ममा शिशिर वाङ्देल, स्वस्तिमा कार्की, सोफिया लिम्बू, नरेन्द्र तामाङ, सोम लामा, शेखर लामा, सौजन सुब्बा, भक्तसिंह कठायत, रत्नप्रसाद न्यौपानेलगायत कलाकारको अभिनय रहेको छ । 

यस फिल्मलाई छायाङ्कन सुशील अधिकारी र नवराज घिमिरेले गरेका छन् । शेखर लामाको प्रस्तुतिमा निर्माण भएको फिल्ममा आरपी कर्माचार्य र उजेली लामा निर्माताको भूमिकामा छन् । 

बाबुलाल लामा कार्यकारी निर्मातामा रहेको फिल्मको कथा लक्ष्मण सुनारले लेखेका हुन् भने स्क्रिन प्ले शेखर लामाको रहेको छ । चलचित्रमा सम्पादन तारा थापा, पाश्र्व सङ्गीत सञ्जीव सुब्बा, कोरियोग्राफी लिगेश भट्टराई र रमेश बुढाथोकीको रहेको छ ।

उक्त फिल्मलाई डिसिएन र रिच इन्टरटेन्टमेन्टले वितरणको जिम्मा लिएको छ।