भिक्टरसँग बैबाहिक जीवनमा बाँधिइन् रियाशा

मोडल रियाशा दाहाल र रूटिन अफ नेपाल बन्दका संचालक भिक्टर पौडेल वैवाहिक जीवनमा बाँधिएका छन् । उनीहरूले आज भक्तपुरको एक रिसोर्टमा औँठी साटेका छन् । उनीहरू ३ वर्षदेखि प्रेम सम्बन्धमा थिए । रियाशा भक्तपुरको सूर्यविनायक निवासी हुन् भने भिक्टर गोलढुंगा निवासी हुन् । 

रियाशाले म्युजिक भिडियोबाट आफ्नो करिअर सुरु गरेकी थिइन् । उनी, युट्युबमा सार्वजनिक हुने सिरियलबाट पनि चर्चामा छिन् ।  

तर, म्युजिक भिडियोमा भने रियाशाको व्यस्तता विगत केही महिनादेखि कम हुँदै गएको छ । बरु, उनी हाँस्य सिरियलमा बढी व्यस्त छन् । भिक्टर भने रूटिन अफ नेपाल बन्द नाम फेसबुक पेज संचालन गरेर चर्चामा छन् । 

भिक्टर र रियाशा दुबैलाई बैबाहिक जीवनको शुभकामना ।