फिल्म 'नम्बरी सुन'को दोस्रो पोस्टर सार्वजनिक

आगामी भाद्र १ गतेबाट प्रदर्शनमा आउने राजु गिरीको निर्देशन रहेको फिल्म 'नम्बरी सुन'को दोस्रो पोस्टर सार्वजनिक गरेको छ। फिल्मको सार्वजनिक पोस्टरमा  मुख्य पात्र गौरव पहारी  नम्रता सापकोटा, सरोज खनाल, बुद्धि तामाङ, राजाराम पौडेल र किरण नेपाली फिचर्ड छन्। 

नारायण खातीको शब्द कथा तथा प्रस्तुति रहेको फिल्ममा गौरव पहारी, नम्रता सापकोटा, सरोज खनाल, राजाराम पौडेल, राजेन्द्र खड्गी, बुद्धि तामाङ, किरण नेपाली, सविन बास्तोला, विनोद न्यौपाने, गीता अधिकारी,लगायत कलाकारको अभिनय रहेको छ ।

सुवर्ण शिभान्स प्रोडक्सनको ब्यानरमा निर्माण भएको फिल्ममा शिवम् अधिकारीको पटकथा तथा संवाद लेखन रहेको छ । यो फिल्मलाई  सरोज खाती, सविन खाती र मनोज रिजालले मिलेर निर्माण गरेका हुन् । 

नम्बरी सुनमा  राजेश पायल राई, शान्तिश्री परियार, प्रताप दास र अनु चौधरीको स्वर रहेको छ । अर्जुन पोखरेल र सन्तोष श्रेष्ठको संगीत, रामजी लामीछानेको नृत्य निर्देशक, समीर मियाँको भिएफएक्स, दिव्य सुवेदीको छायांकन, देव महर्जनको द्वन्द्व निर्देशन, गौतम राज खड्काको सम्पादन रहेको छ।

बिनोद भुजेलको ब्याकग्राउन्ड स्कोर मनोरञ्जन श्रेष्ठको कलर करेक्सन रहेको फिल्मलाई काठमाडौँ उपत्यका भित्र जिजिए ग्रुप र उपत्यका बाहिर एफडी कम्पनीले वितरण गर्दैछन्।