बाइक चढेर नेपाल आइपुगे साउथ स्टार अजित

साउथका सुपरस्टार अजित कुमार नेपाल आइपुगेका छन् । उनी, एक फिल्मको छायांकनका लागि नेपाल आएको वुझिएको छ । अजित भारतको सिलगुढी हुँदै नेपाल आइपुगेका हुन् । मुस्ताङमा एक फिल्मको छायांकन लागि अजित नेपाल आएका हुन् । 

साउथ फिल्म क्षेत्रमा अजितको क्रेज खुबै छ । अजितका फ्यानहरु नेपालमा पनि प्रशस्त छन् । बाइकमा नेपाल प्रवेश गर्दै गर्दा अजितले धनुषाको ढल्केबरमा खाजा समेत खाएका थिए । सार्वजनिक भएको तस्वीरमा अजित ढल्केबरमा बाइकमा देखिएका छन् । 

अजित बाइकका सौखिन हुन् । उनी, बाइकमा विश्वका विभिन्न देशमा पुग्ने गरेका छन् । केही समय अगाडि अजित आफ्ना साथीहरुसँग थाइल्याण्डसम्म बाइकमा पुगेका थिए । अजित कुन फिल्मको छायांकनका लागि नेपाल आएका हुन् खुलेको छैन ।