‘गणपति’को टिजरमा मुकुनको फरक गेटअप

फिल्म ‘गणपति’को टिजर सार्वजनिक भएको छ । यो फिल्म आउँदो बर्षको जेठ ५ गते रिलिज हुने पक्का भएको छ । आस्थाको रुपमा रहेका भगवान र भौतिक रुपमै पृथ्वीमा उपस्थित मानवबिचको फरक देखाउने यो फिल्मको टिजरमा प्रमुख कलाकारलाई देखाइएको छ ।

फिल्ममा एक बच्चाको अस्वाभाविक जन्म, बाल्यकाल र युवा अवस्थामा आउने उतारचढावलाई देखाइएको छ । सविन अधिकारीको निर्देशनमा तयार भएको यो फिल्ममा मुकुन भुसाल, मेनुका प्रधान, कविता न्यौपाने, सूर्य माला खनाल, जयनन्द  लामा, प्रकाश घिमिरे, राजाराम पौडेल, पुष्कर गुरुङ लगायतका कलाकारको अभिनय छ ।

निर्देशक अधिकारीले फिल्मले समाजको चित्रण गर्ने बताए । फिल्मको शीर्ष भूमिकामा मुकुनले अभिनय गरेका छन् । फिल्मको छायांकन तनहुँको बन्दीपुर गाउँपालिकाको थारुवासमा गरिएको छ । एबिगम्यान फिल्मसको ब्यानरमा तयार भएको फिल्ममा लक्ष्मण थापाको लगानी, हरिबहादुर घलेको छायांकन, अनिस अधिकारीको संगीत छ । 

फिल्मको टिजरले केही नयाँ कथाको संकेत गरेको छ । यसैले, पनि फिल्मलाई लिएर दर्शक उत्साहित हुन सक्छन् ।