‘नाईँ नभन्नू ल ६’को तेस्रो गीत ‘तलाउमा ढुंगा नहान’

फिल्म ‘नाईँ नभन्नू ल ६’ले तेस्रो गीत सार्वजनिक गरेको छ । बैशाख १ गतेबाट प्रदर्शन हुने फिल्मको ‘तलाउमा ढुंगा नहान’ बोलको गीत डान्सिङ ट्रयाकमा आज (मंगलबार) रिलिज भएको हो। सार्वजनिक गीतको भिडियोमा फिल्मका मुख्य कलाकार आशिर्वाद क्षेत्री र आँचलले नृत्य गरेका छन् ।

मेलिना राई र राजनराज सिवाकोटीको स्वर रहेको गीतमा वसन्त सापकोटाले संगीत दिएका छन् । गीतको रचनाकार पनि सापकोटा स्वयं हुन् । गीतको कोरियोग्राफी कविराज गहतराजले गरेका हुन् । यसअघि निर्माण टिमले ‘दिउँला माया’ र शीर्ष गीत सार्वजनिक गरेका थिए । 

विकाश आचार्यको निर्देशन रहेको फिल्ममा आशिवार्द र आँचलबाहेक प्रियंका कार्की, सरोज खनाल, अथर्व लुइँटेल, एभलिना खड्का आदिको अभिनय रहेको छ । फिल्ममा अनुभव रेग्मी अतिथि भूमिकामा रहेका छन् ।