‘बिहे पास’ ट्रेलर: प्रकृति सरकारी अधिकृत, दयाहाङ जागिरको खोजीमा

फिल्म ‘बिहे पास’ को ट्रेलर सार्वजनीक भएको छ ।

आज शुक्रबार सार्वजनीक गरिएको ३ मिनेट लम्बाइको ट्रेलरमा दयाहाङ राई र प्रकृति श्रेष्ठको घर झगडा देखि सम्बन्धको कुरालाई स्थान दिइएको छ । ट्रेलरमा पत्नी प्रकृति सरकारी अधिकृत र पति दयाहाङलाई सरकारी जागिर पाउन प्रयत्नरत देख्न सकिन्छ ।

दयाहाङ र अभिनेत्री प्रकृति वरपर घुमेको ट्रेलरमा पत्नी सरकारी अधिकृत र पति सरकारी जागिर पाउन प्रयत्नरत देखाइएको छ । दयाहाङलाई ट्रेलरमा तनावको अवस्थामा देखाइएको छ ।

प्रवेश पौडेल निर्देशित फिल्ममा दयाहाङ र प्रकृतिका साथमा श्याम राई, विशाल पहाडी, सुवास गजुरेल, हिउँवाला गौतम, रुषा न्यौपाने, नवीन शेरचन, उमा बानियाँ र प्रकाश भुजेललगायत कलाकारको अभिनय छ।

शिब ढकालले खिचेको फिल्मका गीतमा प्रबेश मल्लिकको संगीत, डिपी खनालको गीत,शैलेन्द्र प्रधानको पाश्र्व संगीत छ । 

रामजी लामीछानेको कोरियोग्राफी रहेको फिल्ममा मित्र गुरुङले सम्पादन रहेको छ । मर्रे केर, आकाश बराल र सजन काफ्लेको कथा रहेको फिल्मको पटकथा र सम्वाद भने आकाश र सजनले तयार पारेका हुन् । 

आरआर फिल्म प्रोडक्शनको निर्माण र बितरण रहेको फिल्म पूर्वी नेपालका बिभिन्न रमणीय स्थलमा खिचिएको हो । रोहित कटेलको प्रस्तुति, रत्न श्रेष्ठ कार्यकारी निर्माता,रोजन श्रेष्ठ निर्माता, ग्याल्जेन लामा र बालकृष्ण पाख्रिन सहनिर्माता रहेका छन् ।

यो फिल्म नयाँ बर्ष अर्थात् २०८० को बैशाख १ गते प्रदर्शनमा आउने छ ।