३ बर्षअघि रविन्द्रसँग हारेकी थिइन् सरिता, यसपटक मोहनले जित्दा छमछमी नाचिन्

३ बर्ष अगाडि सम्पन्न भएको नेपाल चलचित्र कलाकार संघको निर्वाचनमा कलाकार सरिता लामिछाने अर्का कलाकार रविन्द्र खड्कासँग पराजित भएकी थिइन् । सरिताको कलाकार संघको नेतृत्व लिने सपना सोही समयमा असफल भयो । यो पटक उनले कलाकार संघमा आउने चेष्टा नै गरिनन् । 

तर, शनिबार राती सार्वजनिक भएको मत परिणाम अनुसार, अध्यक्ष पदमा मोहन निरौला बिजयी भए । मोहन निरौला बिजयी हुँदा निर्वाचन स्थलमा रौनक गज्जबको देखिएको थियो । धेरै, कलाकार त गीत गाउँदै नाँचेका थिए । 

नृत्य गर्नेमा कलाकार सरिता लामिछाने पनि थिइन् । उनले, अध्यक्ष पदमा मोहन निरौलाले जित्दा आफैले जिते जस्तो भएको भन्दै खुशी व्यक्त गरिन् । 

मोहनले जितेकोमा खुशी व्यक्त गर्दै सरिता छमछमी नाचिन् । उनलाई अन्य केही कलाकारले साथ दिएका थिए । सरिता छमछमी नाच्दा सदस्य पदमा बिजयी भएका कलाकार गोपाल ढकालले उनलाई जुरुक्कै बोकेका थिए ।