अशिष्मालाई याद आयो फिल्मी दुनियाँ

बिहे गरेपछि अभिनेत्री अशिष्मा नकर्मी गुमनाम छिन् । उनको बिहे भएको केही महिना मात्र भयो । अभिनेत्री अशिष्माले बिहेपछि फिल्म लाइनमा नआउने बताएकी थिइन् ।

नयाँ बानेश्वरमा रहेका एक व्यापारीसँग उनको बिहे भएको हो । अशिष्माले बिहे गरेपछि फिल्म लाइनमा नआउने बताएपनि उनलाई फिल्म लाइनको यादले भने सताउन थालेको छ ।

अशिष्माले आफ्नो सोसल मिडियामा पोष्ट गरेको एउटा तस्बिरले पनि त्यो कुरा झल्को दिन्छ । उनले, एउटा कार्यक्रममा लगाएको सेक्सी पहिरनसहितको फोटो पोष्ट गरेकी छिन् ।

उक्त फोटोमा अशिष्माले केही त लेखेकी छैनन्, तर बिहेपछि अशिष्माका यस्ता तस्बिर कम आएका थिए ।

बिहे गरेर फिल्म लाइनमा नआउने बताएका कतिपय हिरोइनहरु फर्किएका छन् । अशिष्मालाई पनि फिल्म लाइन, संचारमाध्यममा हुने हल्लाखल्लीले सताउन थालेको छ । यसैले उनी आफ्ना पुरानै तस्बिर सोसल मिडियामा राखेर भएपनि चित्त वुझाइरहेकी छिन् ।

अशिष्माले फिल्म लाइनमा नआउने त बताइन् । तर, के उनलाई फिल्म लाइनको मोहले धेरै दिनसम्म एक्सन र कट भन्दा बाहिर राख्न सक्ला त ?