अध्यक्ष छाडेर महासचिव पदमा लड्दै सविन श्रेष्ठ

चैत्र ४ गते हुन लागेको नेपाल चलचित्र कलाकार संघको निर्वाचनमा नायक सविन श्रेष्ठले अध्यक्ष पदमा उम्मेदवारी दिने भन्दै प्रचारलाई तिव्रता दिएका थिए । 

विगत केही महिना अगाडिदेखि नै सविन अध्यक्ष पदमा आफू उठ्ने भन्दै मिडियामाफर्त अपिल गरिरहेका थिए । सविन निर्वाचनमा उठ्ने भएपछि कलाकार संघको निर्वाचनको सरगर्मी अझै बढेको थियो । 

तर, अब सविनले अध्यक्ष पद छाडेका छन् । सविनले सामाजिक संजालमार्फत आफूले अध्यक्ष पद छाडेर महासचिव पदमा उम्मेदवारी दिन लागेको जानकारी दिएका छन् । उनले, सबै साथीहरु, अंग्रजसँग सल्लाहा गरेर महासचिवमा उठ्ने तयारी गरेको उल्लेख गरेका छन् । 

सविनले, महासचिव पदमा आफूलाई सहयोग गर्न आग्रह समेत गरेका छन् । कलाकार संघको अध्यक्ष पदका लागि नायिका रेजिना उप्रेती र कलाकार मोहन निरौलाविच तिव्र प्रतिस्पर्धा हुने देखिएको छ ।