'जुलेबी' को फर्स्ट लुक पोस्टर सार्वजनिक

नारी दिवसको अवसर पारेर फिल्म ‘जुलेबी’ को फर्स्ट लुक पोस्टर सार्वजनिक गरिएको छ । सुरक्षा पन्त, उषा रजक, निशा अधिकारी र मोनिका थापा मुख्य भुमिका रहेको फिल्ममा सुशील सिटौला, पुष्कर कार्की, तुफान थापा लगायत कलाकारको अभिनय रहेको छ। फिल्मको फर्स्ट लुकलाइ कलात्मक रुपमा बनाइएको छ।

एथोलजी विधामा रहेको यस फिल्ममा नारी पात्रको शशक्त र अब्बल अभिनय रहेको छ। चार नारी पात्रको कथा समेटिएको यस फिल्ममा नारीहरुको विभिन्न रूप र रंगका साथ बाँधिएको छ । चार जना नारीलाइ मुख्य पात्र बनाएर निर्माण गरिएको फिल्मको निर्माता पनि नारी नै रहेकी छन्।  फिल्मको निर्माता आभा शर्मा नेपाल हुन् ।

फोर क्युब इन्टरटेन्मेन्टको ब्यानरमा निर्माण बहेको फिल्ममा चार नारी पात्रको कथा समेटिएको छ। फिल्मका निर्देशक गणेश देव पाण्डे हुन्। जसले यो भन्दा पहिले मन्जरी, गाजा बाजा जस्ता सफल फिल्म निर्देशन गरी सकेका छन् ।

बिबेक खड्काको छायाँकन रहेको चलचित्रको सम्पादन अन्जय खड्काले गरेका छन् । फिल्मको कार्यकारी निर्माता नबीन भट्टले हुन् । फिल्मको प्रदर्शन मिति भने फाइनल हुन बाँकी रहेको छ।