सेन्सर नभएपछि रणवीर र श्रद्धाको फिल्मको शो रद्द

एका बिहानै बलिउड फिल्म ‘तु झुटी मे मक्कर’ हेर्न हलमा पुगेका फिल्म लेखक प्रदीप भारद्वाज निराश भएर फर्किए । हरेक फिल्म पहिलो शोमा हेर्दै आएका प्रदीप फ्रेस रिलिज बलिउड फिल्मको सेन्सर नभएकाले शो रद्द भएको जानकारी पाएपछि निराश भएर फर्किएका थिए ।

यस्तै, म्युजिक भिडियो निर्देशक माइकल चन्दले पनि बिहानै बीग मुभिजमा फिल्म हेर्न आएपनि सेन्सर नभएको जानकारी दिँदै फिल्म रिलिज नभएको जानकारी दिए । 

आज बुधबारदेखि नै भारतसहित विश्व बजारमा रिलिज भएको नायक रणवीर कपुर र नायिका श्रद्धा कपुर अभिनीत यो लभ स्टोरी फिल्म नेपालमा भने बिहान रिलिज हुन सकेन । 

फिल्मको लागि कोर्ड प्राप्त भएपछि हल सञ्चालकहरूले शो खुलाएका थिए । तर, फिल्मको सेन्सर नभएका कारण नेपालमा बिहानी शो रिलिज हुन सकेन । 

यसैले, केही मल्टिप्लेक्सले यो फिल्मको शोज सबै हटाएका छन् । क्यूएफएक्स चेनले भने दरबारमार्गको हलमा मात्र शो दिएको हेर्न सकिन्छ ।