भिटेनको स्वरमा ‘छड्के २’को गीत ‘छड्के खालास्’ सार्वजनिक

फागुनको १९ गतेबाट रिलिज हुन लागेको बहुप्रतिक्षित फिल्म ‘छड्के २’को नयाँ गीत सार्वजनिक भएको छ ।

हिप-हप जनराको ‘छड्के खालास’ बोलको गीतमा भिटेनको शब्द, संगीत र आवाज छ । गीतको भिडियोमा कलाकारहरूको मस्ती मूड, द्वन्द्व र केही संवादसहितका दृश्य समेटिएको छ ।

निगम श्रेष्ठको लेखन र निर्माण रहेको फिल्मले देशको प्राकृतिक स्रोत हत्त्याउन संघर्षरत तीन ग्याङको कथा भन्छ । रोयल मनाङ ग्याङ, बारुलाज ग्याङ र ग्रीन ग्याङबीचको लडाइँमा सुपरस्टार अनमोल केसीले ग्रीन ग्याङको प्रतिनिधित्व गर्छन । उनि फिल्म मा मेनडगको भूमिकामा छन् ।

१० वर्ष अगाडीको चर्चित फिल्म ‘छड्के’को सिरिज र अनमोलको अभिनय भएकाले यो फिल्म र्शक माँझ प्रतिक्षित छ । फिल्म ले बक्सअफिसमा बम्पर ओपनिङ गर्ने आशा गरिएको छ । 

ट्रेलर र टिजरले फिल्मको हाइप निर्माण गरेका छन् । अहिलेसम्म ट्रेलर र टिजरलाई १९/१९ लाख पटक हेरिएको छ ।

फिल्ममा अनमोलसंगै रोविन तामाङ, कमलमणि नेपाल, देवकुमार श्रेष्ठ, सृजना सुब्बा, देवु श्रेष्ठ, रेशा आले मगर, इयान स्कट क्लेमेन्ट, सन्तोष मिजार, अफरान अलि, निगम श्रेष्ठ, चिरन्जिबी अधिकारी र कुमार घलानलगायतका कलाकारको अभिनय छ ।

मस्को सिंह र राजेन्द्र सापकोटाको छायांकन रहेको फिल्ममा राजकुमार उप्रेतीको एक्सन र रवि चौधरी तथा लोकेश बज्राचार्यको सम्पादन छ ।

निर्भाना फिल्म स्कुल, काभ्रे फिल्मस् र मेधाको ब्यानरमा निर्मित फिल्मको निर्मातामा प्रशान्त गिरी र देवकुमार श्रेष्ठ रहेका छन् । कार्यकारी निर्माणमा निर्भाना फिल्म स्कुल र लक्ष्मण काफ्ले छन् ।