‘बहाव’को ट्रेलरमा सुरक्षाको क्रान्तीको कथा

फिल्म ‘बहाव’को ट्रेलर सार्वजनिक भएको छ । काठमाडौंको वान सिनेमाज्मा आयोजना भएको कार्यक्रममा नायिका सुरक्षा पन्त अभिनित फिल्मको ट्रेलर रिलिज गरियो । यो फिल्मको ट्रेलरमा बाबु र छोरीबिचको दुरी, असमानता, विभेद र क्रान्तीको कुरा उठाइएको छ ।

ट्रेलरमा एक छोरीले क्रान्ती गर्न चाहेको उल्लेख गरेकी छिन् । परिवारका सदस्यहरुबिच उत्पन्न हुने विभेद, असमानता र क्रान्तीको कथामा यो फिल्म बनेको छ । 

फिल्ममा सुरक्षा पन्त, कमलमणी नेपाल, अफ्रान अली, सूर्य शर्मा भट्ट, ईश्वरी सिंह, हिरालाल कँडेल, पवन श्रेष्ठ लगायतका कलाकारको अभिनय छ । 

फिल्मले बाबु र छोरीबिचको बिद्रोहको कथालाई उठान गरेको छ । फिल्मलाई प्रमोद कँडेलले निर्देशन गरेका हुन् । श्रीधर पौडेलको लगानीमा तयार भएको फिल्ममा कार्तिके स्मीता कर्नाटकको छायांकन, सुजन बडालको सम्पादन, बसन्त सापकोटा र मानव सुवेदीको संगीत, प्रमोद कँडेलको कथा तथा लेखन छ ।