‘फूलबारी’ले बढायो हलमा चहलपहल

शुक्रबारदेखि रिलिजमा आएको नेपाली फिल्म ‘फूलबारी’ले हलमा दर्शकको चहलपहल बढाएको छ । शुक्रबार औषत व्यापार गरेको फिल्मको व्यापार शनिबार उत्साहजनक देखियो । मल्टिप्लेक्स हलमा फिल्मको उच्च अकुपेन्सी देखिएको थियो । 

बुकिङको मामालामा कमजोर देखिएपनि शुक्रबारबाट भने दर्शकको चाप बढेको थियो । आज आइतबार पनि बिदा रहेकाले फिल्मको अकुपेन्सी उच्च रहने देखिन्छ । 

रामबाबु गुरुङ निर्देशित यो फिल्मले केही महिनाको अन्तरालपछि हलमा दर्शक तानेको छ । विपिन कार्की, अरुणा कार्की, दयाहाङ राई, प्रियंका कार्की, शिल्पा मास्के लगायतका कलाकारको अभिनय रहेको फिल्मको समीक्षा पनि सुखद छ । 

यसैले, अर्को साता पनि कुनै नयाँ नेपाली फिल्म नहुनुको फाइदा यो फिल्मले लिन सक्छ । 

यो बर्ष ‘कबड्डी ४’ जस्तो ब्लकबस्टर फिल्म दिएका रामबाबुको यो फिल्मले कस्तो व्यापार गर्छ त्यो हेर्न बाँकी छ । तर, सुरुवात दिनलाई भने सुखद मान्न सकिन्छ ।