मदिरा पिएर कुटपिटमा उत्रिएका कलाकार ‘म्याकुरी’ पक्राउ

हास्य कलाकार पवन खतिवडा ‘म्याकुरी’ पक्राउ परेका छन् । मंगलबार राति मोरङको बेलबारी नगरपालिका–१ स्थित एक होटलमा मादक पदार्थ सेवन गरी कुटपिटमा उत्रिएको भन्दै मंगलबार उनलाई प्रहरीले नियन्त्रण लिएको हो ।

होटलमा मादक पदार्थ सेवन गरी बेलबारी- ४ का एक युवालाई टाउकोमा प्रहार गरी टाउको फुटाइदिएको बताइएको छ । सो कुटपिटबाट घाइते भएका ती युवालाई उपचारका लागि अस्पताल पठाइएको छ। 

उनलाई पक्राउ गरेर इलाका प्रहरी कार्यालय बेलबारीको हिरासतमा राखिएको छ । खतिवडाले आफ्नै युट्युबबाट टेलिसिरियल चलाउँछन् भने उनले केही फिल्ममा पनि काम गरिसकेका छन् ।