किन नयाँ फिल्म साइन गर्न सकिरहेका छैनन् पुष्प ?

नायक पुष्प खड्काले अभिनय गरेका ३ वटा फिल्म यो बर्ष रिलिज भए । तिनै फिल्मको व्यापारिक आँकडा निक्कै कमजोर देखियो । पुष्प अभिनित ‘कृष्णलीला, तिम्रो मेरो साथ र मनसँग मन’ यो बर्ष  रिलिज भएका हुन् । 

यी तिनै फिल्म बक्स अफिसमा कमजोर देखिएपछि पुष्पले आफ्नो करिअरको बिषयमा गम्भिर भएर सोचिरहेका छन् । 

मेरो फिल्मसँगको कुराकानीमा पुष्पले भने–‘मैले त नयाँ फिल्म साइन गर्नु अगाडि धेरै पटक सोच्नुपर्ने अवस्था आएको छ । यसैले पनि मैले नयाँ फिल्म साइन गर्न सकिरहेको छैन । अफर धेरै आएपनि काम गर्न डर लागिरहेको छ ।’

पुष्पले नयाँ फिल्म साइन गर्न नसक्नुको पछाडि यो बर्ष रिलिज भएका फिल्मको असफलता नै हो । किनकी, उनले अपेक्षा गरेका सबै फिल्म बक्स अफिसमा चिप्लदा उनको स्टारडम पनि कमजोर भएको आँकलन गर्न सकिन्छ । 

उनले, अब आफूलाई बलियो तरिकाले प्रस्तुत गर्न सकेनन् भने फिल्ममा उनको उपस्थिती कमजोर हुनेछ । यसैले, पुष्प फिल्म लागेपछि हलमा देखिने नतिजाले पनि डराएका छन् ।

उनले, तत्काल नयाँ फिल्म साइन गरिहाल्ने मुड बनाएका छैनन् । उनी, कुनै बलियो कथाको प्रतिक्षामा देखिएका छन् ।