‘बुलाकी’को टिजरमा सुरक्षाको पीडा

फिल्म ‘आमा’मा भिन्न भूमिका गरेपछि दर्शकमाझ लोकप्रिय बनेकी नायिका सुरक्षा पन्तको अर्को सशक्त भूमिका रहेको फिल्म ‘बुलाकी’को टिजर आज सार्वजनिक भएको छ । युट्युबमा सार्वजनिक गरिएको टिजरमा सुरक्षाको साथमा नायक नरेन खड्का र कलाकार बिराज बिष्टको मुख्य भूमिका छ । 

सन्तान जन्माउन नसक्दा महिला नै दोषी हुने समाजको कथालाई  यो फिल्मले प्रस्तुत गरेको छ । फिल्ममा श्रीकृष्ण बम मल्ल, गोविन्द मधुर आचार्य, बादल थापा, सुविन सेन्चुरीको संगीत, राज बहादुर सानेको कथा, राजबहादुर साने, लक्ष्मण सुनार, निर्मल पौडेल र बिराज बिष्टको पटकथा तथा संवाद छ ।

शिव ढकालको छायांकन, अर्जुन जीसी र लक्ष्मण सुनारको सम्पादन रहेको यो फिल्ममा सुरक्षा र नरेनको भूमिकाले दर्शकलाई फिल्मप्रति उत्साहित बनाउन सक्छ । यो फिल्म बैशाखको १ गतेबाट रिलिज हुँदैछ ।