देशभर रिलिज भयो ‘मनसँग मन’

आज शुक्रबारबाट सोलो रुपमा नेपाली फिल्म ‘मनसँग मन’ रिलिज भएको छ । कैलाश राइको निर्देशनमा तयार भएको यो फिल्मले नेपाल र दार्जिलिङको कथालाई पर्दामा प्रस्तुत गरेको छ । यो फिल्ममा नायक पुष्प खड्का, नायिका वर्षा सिवाकोटी, कलाकार वुद्दि तामाङ लगायतको मुख्य भूमिका छ । 

आज अन्य कुनै पनि नयाँ नेपाली वा विदेशी फिल्म नभएकाले पनि यो फिल्मलाई फाइदा हुने देखिन्छ ।  अरुण तामाङको लगानीमा निर्माण भएको फिल्म ‘मनसँग मन’को एउटा गीतमा नायक पल शाह र नायिका पूजा शर्माको नृत्य हेर्न सकिन्छ । 

सौरभ लामाको छायांकन रहेको फिल्मलाई नेपाल र भारतका विभिन्न रमणीय स्थानमा खिचिएको छ ।