फागुण १९ बाट बैशाख १ मा सर्यो सुरक्षाको ‘बुलाकी’

फागुन १९ मा प्रदर्शन मिति तोकेको फिल्म ‘बुलाकी’ अब वैशाख १ गतेबाट रिलिज हुने भएको छ । वि.सं २०८० सालको वैशाख १ गतेलाई मिति पोस्टपोन्ड गर्दै निर्माणपक्षले नयाँ बर्षलाई ताकेको छ । 

निर्माता विराज बिष्टले सामाजिक संजालबाट नयाँ पोस्टर सार्वजनिक गरेका हुन् । त्रिनेत्रम डिष्ट्रिव्यूसनको तर्फबाट वितरण हुन लागेको यो फिल्मसँग वैशाख १ गते ‘नाई नभन्नु ल ६, जारी, बिहे पास र प्रसाद २’ पनि आउने पक्का छ । 

लक्ष्मण सुनारको निर्देशनमा तयार भएको यो फिल्ममा सुरक्षा पन्त, नरेन खड्का, विराज बिष्ट, प्रकाश कँडेल, रमेश वुढाथोकी, सुशील पोखरेल लगायतका कलाकारको अभिनय छ । 

छत्रश्वेरी म्यानेजमेन्टको ब्यानरमा निर्माण भएको फिल्ममा शिव ढकालको छायांकन, लक्ष्मण सुनारको कथा, राज बहादुर साने, विराज बिष्ट र लक्ष्मण सुनारको पटकथा तथा संवाद छ । यो फिल्मले नेपालको कर्णालीमा हालसम्म पनि यथावत् नै रहेको जारी प्रथाको कथालाई उठान गरेको छ ।