पूजाको ‘पठान’ मोह

नायिका पूजा शर्माले नेपालमा रहेका साहरुख खानका फ्यानहरुसँग मिलेर केक काटेकी छिन् । 

आजबाट रिलिज भएको साहरुख अभिनित फिल्म ‘पठान’ हेर्न हलमा पुगेकी पूजाले फ्यानहरुसँगै केक काटेकी हुन् । पूजा साहरुखको ठूलो फ्यान हुन् । उनले, ‘पठान’ उत्कृष्ट लागेको बताइन् । लामो समयपछि साहरुखलाई पर्दामा हेर्न पाउँदा आफू उत्साहित भएको पनि उनले बताइन् । 

टिम साहरुख खान नेपालले आज सुन्धाराको सिटीसी मलमा रहेको सिने द सेफ को एक शोज नै बुक गरेको थियो । पूजा विशेष अतिथीको रुपमा पुगेकी थिइन् । 

यो फिल्मले नेपालमा पनि बम्पर ओपनिङ गरेको छ । भारतमा जस्तै, नेपालमा पनि यो फिल्मको सबै शोज बिहानैदेखि हाउसफूल छन् । अधिकांश मल्टिप्लेक्सले फिल्मलाई उच्च शोज दिएका छन् । ती सबै शोजमा दर्शकको उच्च चाप छ । 

सिद्धार्थ आनन्दको निर्देशनमा तयार भएको एक्सन प्रधान यो फिल्मले दर्शकको उच्च साथ पाएको छ । फिल्मको समीक्षा समेत उत्कृष्ट आएकाले बक्स अफिसमा यसले आगामी दिनमा आक्रामक व्यापारलाई निरन्तरता दिने बिश्लेषण गरिएको छ ।