जितु र साम्राज्ञीको रोमान्टिक अवतारमा ‘ह्यारी कि प्यारी’को गीत रिलिज

नायिका साम्राज्ञी राज्यलक्ष्मी शाह र कलाकार जितु नेपाललाई रोमान्टिक अवतारमा देखाइको फिल्म ‘ह्यारी कि प्यारी’को नयाँ गीत सार्वजनिक भएको छ । ‘मिठो मिठो’ बोलको यो रोमान्टिक गीतको भिडियोमा जितुमाथि साम्राज्ञीको माया पोखिएको छ । 

देवाञ्जली जोशी र सौरभ दासको स्वरमा समावेश यो गीतमा यूग भुषालको संगीत, डाक्टर कपिल रिजालको शब्द छ । 

डाक्टर कपिल रिजालको कथा तथा निर्देशनमा तयार भएको फिल्ममा बिजय बराल, लक्ष्मी गिरी, सुभाष गजुरेल, रञ्जना भट्टराई लगायतका कलाकारको अभिनय पनि हेर्न सकिन्छ । 
सुदिप बरालको छायांकनमा तयार भएको यो फिल्ममा अर्जुन जीसीको सम्पादन, कविराज गहतराजको कोरियोग्राफी छ । 

फिल्मलाई सुदिप बराल, गिरिराज घिमिरे, अभिमन्यू निरबी र डाक्टर कपिल रिजाल मिलेर लेखेका हुन् । डाक्टर भोला रिजालको लगानीमा बनेको यो फिल्मले जितु र साम्राज्ञीको जीवनमा आउने विभिन्न उतारचढावको कथालाई देखाएको छ । फिल्मले बक्स अफिसमा सुखद कमाई गर्ने अपेक्षा गरिएको छ ।