किन चर्चामा छ गजल ‘के लत बस्यो’ गजल ?
![](https://snowberry.prixacdn.net/media/gallery_folder/gajal_vXOcGKKahs_smiid1pjftfotcbuqp41xjndsodnzbi5zbboard7d0th2gwizzub7pb0vsgq_2LnAthiK4n_f8c3f9mfxcxqmaik7iojdshowkegk8cmybxg5osiblbacrvqsqxelrtxwyav.jpg)
युट्युबमा सार्वजनिक भएको ५ दिनमा ‘के लत बस्यो’ बोलको गजलले २ लाख भन्दा बढी भ्यूज पाएको छ । सुरुवाती दिनमा यो गीतको भ्यूज यति थिएन । तर, सामाजिक संजालमा यो गजल एकाएक चर्चामा आएको छ ।
डाक्टर प्रदीप कुमार मैनालीको शब्दमा तिलक सिंह पेलाको संगीत र स्वर समावेश गीतले आम मानिसको मात्र होइन, संगीतकर्मीहरुको समेत ध्यान तानेको छ । सामाजिक संजालमा यो गजललाई लिएर चर्चा व्यापक भैरहेको छ ।
यो गीतको अडियोले अहिले सर्वाधिक चर्चा पाउनुको कारण यसको शब्द हो । शब्दसँगै स्वर र संगीतले पनि ध्यान तानेको छ ।
सामाजिक संजालमा यो गजलका केही हरफहरु चर्चित भैरहेका छन् । सुन्नै नसकिने शब्दहरुले सामाजिक संजालमा स्थान जमाइरहेको समयमा यो गजलको हरेक पक्ष उत्कृष्ट छ । यसैले, यसको चर्चा ह्वात्तै बढेको हो । विशेषगरि, गजलको तल उल्लेखित हरफ सर्वाधिक रुचाइएको छः
साथी रहेछ दुःख, हरपल सवार हुन्छ
सुख पाहुना रहेछन्, छुट्नै हतार हुन्छ ।
प्रतिक्रिया