सबिनको बचाउमा पत्रकारसँग रीमाको सवाल–जवाफ

फिल्म ‘सिड्नी’ घोषणाका लागि आयोजित पत्रकार सम्मेलनमा नायक सविन श्रेष्ठलाई एक पत्रकारले के तपाई समय व्यतित गर्न फिल्म खेल्नुहुन्छ हो भन्ने प्रश्न गरे । यो प्रश्नको सविनले आफ्नै तरिकाले जवाफ दिए । 

तर, प्रश्नले रीमाको मनमा खसखस बढायो । उनले सविनको हातबाट माइक लिइन् र पत्रकारसँग सवाल जवाफ गरिन् । उनले भनिन्–‘कुनै एक क्षेत्रमा एक दशक बिताएको कलाकारलाई तपाइले समय व्यतित गर्न फिल्म खेल्नुहुन्छ भनेर प्रश्न गर्न मिल्छ । १० बर्ष हो सर ।’

त्यसपछि पत्रकारले फेरि प्रश्न गरे–‘अनी दर्शकप्रति कलाकारको जिम्मेवारी हुँदैन ?’ रीमाले अगाडि भनिन्–‘म र सविनजी मिलेर सिंगो फिल्म परिवर्तन गर्न मिल्दैन । यो काम निर्देशकको हो । हाम्रो व्यवसायिक जिम्मेवारी भनेको हामीलाई दिएको चरित्रलाई राम्रो गर्दै जाने हो । हामी एउटा जिम्मेवारी कलाकार नै हो हौं ।’

रीमाले कलाकारले सामाजिक रुपमा समाजलाई असर नगर्ने काम गर्नुपर्ने बताउँदै आफूहरुले त्यो काम गरिरहेको जवाफ फर्काइन् ।