बुर्ज खलिफामा साहरुखले गरे ‘पठान’को ट्रेलर सार्वजनिक

बलिउड नायक साहरुख खानको नयाँ फिल्म ‘पठान’ विश्व बजारमा गर्मिलो बनेको छ । यो फिल्मको प्रचारका लागि नायक साहरुख खानले ठूला ठूला प्लेटफर्म पनि प्रयोग गरिरहेका छन् । 

शनिबार बेलुकी साहरुख अभिनित फिल्मको ट्रेलर दुबइको बुर्ज खलिफामा गरिएको छ । विश्वमै पहिलो पटक कुनै फिल्मको ट्रेलर बुर्ज खलिफामा देखाइएको हो । ट्रेलर सार्वजनिक गर्दा साहरुख आफै पनि उपस्थित थिए । 

साहरुखलाई हेर्न हजारौं दर्शकको भीड विश्वकै अग्लो भवन वरिपरी लागेको थियो । सो समयमा साहरुखले फिल्मको संवाद बोले भने गीतमा नृत्य पनि गरे । 

सिद्धार्थ आनन्दको निर्देशनमा तयार भएको यो फिल्ममा दीपिका पादुकोण र जोन अब्राहिमको पनि मुख्य भूमिका छ । ओभरसिजमा यो फिल्मको बुकिङ आक्रामक छ ।