साहरुखका ५० हजार फ्यानले एकसाथ पहिलो शोमा ‘पठान’ हेर्ने

४ बर्षपछि पर्दामा फर्किन लागेका बलिउड नायक साहरुख खानको नयाँ फिल्म ‘पठान’लाई लिएर दर्शक र उनका फ्यानमाझ उच्च क्रेज छ । फिल्मको यस्तो क्रेज पछिल्लो समय ‘बाहुबली २’मा रहेको समीक्षकहरुले पनि बताउँदै आएका छन् । यो फिल्मलाई बम्पर बनाउनका लागि उनका फ्यानहरुले पनि कुनै कसर बाँकी राखेका छैनन् । 

यसैबिच, भारतका २ सय शहरमा साहरुखका फ्यानहरुले पहिलो दिनको पहिलो शोज हेर्ने तयारी गरेका छन् । जसअनुसार, पहिलो दिनमा साहरुखका ५० हजार फ्यानले विभिन्न शहरमा फिल्म हेर्ने तयारी गरेका हुन् । 

भारतीय मिडियाका अनुसार, यसबाट पहिलो शोमा नै १ करोडको व्यापार फिल्मले गर्नेछ । 

सिद्धार्थ आनन्दको निर्देशनमा तयार भएको फिल्मलाई लिएर दर्शकमा उत्साह छ । फिल्मले पहिलो दिनमै ४० करोड आसपासको व्यापार गर्ने अड्कल लगाइएको छ । 

साहरुखका फ्यानहरुले फिल्मको प्रचारमा पनि कुनै कसर बाँकी राखेका छैनन् । अब, ५० हजार फ्यानले पहिलो शोजमा एकसाथ फिल्म हेर्दा हंगामा हुने निश्चित छ । यो फिल्म जनवरी २५ तारिखमा रिलिज हुँदैछ ।