स्वस्तिमा र वर्षासँग कृषाको ‘अ‍ैँचो पैँचो’ : नयाँ आशाको सुरुवात

नायिका स्वस्तिमा खड्का र वर्षा राउतलाई लिएर निर्मात्री कृषा चौलागाँईले नयाँ फिल्म बनाउँदै छिन् । फिल्मको नाम ‘अ‍ैँचो पैँचो’  राखिएको छ ।  यो फिल्मलाई लिएर कृषाको सोचाइ फरक छ । किनकी, लगातार ४ वटा फिल्म बनाएर डुबेपछि कृषाले निर्देशनमा पनि आफूलाई मात्र विश्वास गरेकी छिन् । 

किनकी, यसअघि उनले बनाएका फिल्महरू असफल मात्र भएनन् उनी विवादित पनि बनिन् । निर्देशकहरुसँग उनको सम्बन्ध नै सुमधुर बन्न सकेन । 

अब, फरक तरिकाले सोच्न थालेकी कृषा बक्स अफिसमा छलाङ मार्ने दाउमा छिन् । उनले, यसपटक गाउँघरमा हुने राजनीतिलाई समेत कथामा समावेश गराएकी छिन् । उनको आशा स्वस्तिमा खड्का र वर्षा राउत जस्ता नायिकामाथि छ । यसपटक पुराना फ्लप फिल्मका इतिहास बिर्सिएर नयाँ आशाको सुरुवात गर्ने सोच कृषाको छ । 

स्वस्तिमा र वर्षामाथि आफ्नो आशा खन्याउँदै गर्दा कृषा आशावादी सुनिएकी छिन् ।