शोभितको ‘जय हो’मा अर्पण फाइनल

शोभित बस्नेतको प्रस्तुतिमा तयार हुन लागेको फिल्म ‘जय हो’मा नायक अर्पण थापा फाइनल भएका छन् । सोमबार निर्माण कम्पनी सलोन सलिना फिल्मस् र कलाकार अर्पण थापाबिच कागजी संझौता भएको छ ।

फिल्ममा अब सलोन बस्नेतसँगै अर्पण थापाको पनि मुख्य भूमिका रहने पक्का भएको छ । यो फिल्मलाई टेक पौरखी राइले निर्देशन गर्दैछन् । काठमाडौं, पोखरा र मुस्ताङमा खिचिने फिल्मको छायांकन माघको अन्तिम सातादेखि सुरु हुनेछ । सुरेश न्यौपानेको कथा रहेको यो फिल्ममा शम्भुजित बाँस्कोटा र सागर आले मगरको संगीत, सौरभ लामाको छायांकन रहनेछ ।

राज के अधिकारी र सुरज सरकारको लगानी रहने यो फिल्ममा राम्जी राउत क्रियटिभ निर्देशकको रुपमा रहनेछन् ।