प्रियंका, बेनिशा र ऋचाको ब्याडलकः दुई फिल्म रिलिज, दुबै फ्लप

यो बर्षको कार्तिकसम्म सुखद चलिरहेको नेपाली फिल्मको बक्स अफिस यसपछि भने नकारात्मक गतीमा चलिरहेको छ । हलमा चलेका फिल्मले पानी पनि भन्न नपाउँदा निर्माताको गोजी रित्तिएको छ । योसँगै स्टारडम चम्काउने कलाकारको सपना पनि उजाडिएको छ ।

यो बर्ष मुख्यतया, तीन नायिकाका लागि त ब्याडलक नै हुने देखिएको छ । नायिकात्रय प्रियंका कार्की, ऋचा शर्मा र बेनिशा हमालका लागि यो बर्ष सुखद हुने संकेत देखिएको छैन ।

विशेषगरि, यी तिनै नायिकाको यो बर्ष २–२ वटा फिल्म रिलिज भए र तिनै वटा फिल्म फ्लप भएका छन् ।

आमा बनेपछि पर्दामा फर्किन जोडदार कोशिश गरिरहेकी प्रियंकाको यो बर्ष ‘लक्का जवान र चि मुसी चि’ रिलिज भयो । तर, यी दुबै फिल्म नचल्दा प्रियंकाका लागि फागुण ५ गते रिलिज हुन लागेको ‘फूलबारी’ आशाको केन्द्रमा छ ।

ऋचा शर्माका लागि पनि यो बर्ष खराब रह्यो । उनको ‘हिजो आजका कुरा र चि मुसी चि’ रिलिज भयो । तर, दुबै फिल्मले उनलाई सुखद नतिजा दिलाउन सकेन । दुबै फिल्ममा उनको अभिनयको खासै चर्चा पनि भएन ।

अभिनय राम्रो गर्ने भनेर चर्चामा आएकी नायिका बेनिशा हमालको यो बर्ष ‘प्रेमगञ्ज र चि मुसी चि’ रिलिज भयो । तर, दुबै फिल्म बक्स अफिसमा नराम्रोसँग पछारिए ।

यी तिनै नायिकाले दुबै फिल्मको खुलेरै प्रचार गरेका थिए । तर, उनीहरुको कुरालाई पनि दर्शकले विश्वास गरेको देखिएन । बेनिशाको यो बर्ष आशातित फिल्म ‘छक्का पन्जा ४’ रिलिज हुँदैछ । उनी यो फिल्मबाट भने आशावादी छिन् ।