‘चि मुसी चि’: कमजोर ओपनिङ, उत्कृष्ट प्रतिक्रिया

आजबाट नेपाली बक्स अफिसमा रिलिज भएको हरर जनराको फिल्म ‘चि मुसी चि’ले मिडियाकर्मीबाट उत्कृष्ट प्रतिक्रिया पाएको छ । आज काठमाडौंकोे सिभिल मलमा आयोजना भएको विशेष शोमा नेपालमा हरर जनरामा यत्ती उत्कृष्ट फिल्म नबनेको भन्दै मिडियाकर्मीले प्रशंसा गरे ।

फिल्मको ब्याकग्राउन्ड म्यूजिक र छायांकनको सबैभन्दा बढी तारिफ गर्न सकिन्छ । विशेषगरि, एक बालिकाको निधनपछि उत्पन्न हुने विभिन्न घटनाक्रमलाई फिल्मले उठान गरेको छ । फिल्मको ब्याकग्राउन्ड म्यूजिकले दर्शकलाई धेरै ठाउँमा तर्साउँछ ।

फिल्ममा आयुष्मान देशराज जोशी, प्रियंका कार्की, ऋचा शर्मा, राजन खतिवडा, बेनिशा हमाल, गौरब कार्की, रविन्द्र झा लगायतका कलाकारको अभिनय छ । कलाकारले पनि फिल्ममा उत्कृष्ट काम गरेका छन् । फिल्मले उत्कृष्ट प्रतिक्रिया पाइरहँदा ओपनिङ भने अपेक्षित गर्न सकेन । तर, वर्ड अफ माउथले शनिबारबाट फिल्मको व्यापार बढ्ने अपेक्षा गर्न सकिन्छ ।

फिल्मको दोश्रो च्याप्टरका लागि समेत निर्देशकले कथा बाकी राखेका छन् । दर्शकबाट आउने प्रतिक्रियापछि दोश्रो च्याप्टर तयार गर्ने निर्माणपक्षको भनाई छ ।