फ्राइडे रिलिजमा हरर फिल्म ‘चि मुसी चि’

एमी स्टूडियोको ब्यानरमा तयार भएको हरर फिल्म ‘चि मुसी चि’ आजबाट रिलिजमा आएको छ । मर्ण जेम्स र यश सैनीको निर्देशनमा तयार भएको यो फिल्मलाई रिञ्जु केसी र अरुण चक्रावर्तीले मिलेर बनाएका हुन् । फिल्ममा प्रियंका कार्की, ऋचा शर्मा, बेनिशा हमाल, आयुष्मान देशराज जोशी, राजन खतिवडा, रविन्द्र झा, गौरब बिष्ट लगायतका कलाकारको मुख्य भूमिका छ ।

यो फिल्मले छोराका लागि एक नाबालिकालाई बली चढाएको कथा भन्छ । नेपालमा अहिलेसम्म यो तहको हरर फिल्म नबनेको दाबी निर्माताको छ । यो फिल्मलाई मल्टिप्लेक्सहरुले उच्च शोज दिएका छन् । यसले, पनि फिल्मले राम्रो व्यापार गर्ने र दर्शक तान्ने अपेक्षा प्रदर्शकमा छ ।

फिल्ममा सुशन प्रजापतिको छायांकन, यश सैनीको सम्पादन, रोहित शाक्यको साउन्ड डिजाइन छ । लगातार नेपाली फिल्मको व्यापार कमजोर बनिरहेको समयमा ‘चि मुसी चि’ले दर्शक तान्ने अपेक्षा गरिएको छ ।