स्वस्तिमा र वर्षा एउटै फिल्ममा

नायिकाद्धय स्वस्तिमा खड्का र वर्षा राउतले एकसाथ नयाँ फिल्ममा काम गर्ने भएका छन् । यी दुइले काम गर्न लागेको फिल्मको वर्कशप चलिरहेको छ । तर, फिल्मको नाम भने तय भएको छैन । यो फिल्मलाई निर्मात्री कृषा चौलागाँइले निर्देशन गर्दैछिन् । फिल्मको छायांकन माघको दोश्रो साताबाट सुरु हुने निर्माणपक्षले बताएको छ ।

पछिल्लो पुस्ताका दुई चर्चित नायिकाले एकसाथ दोश्रो पटक फिल्ममा काम गर्न लागेका हुन् । यसअघि दुबै जनालाई फिल्म ‘छक्का पन्जा २’मा देखिएको थियो । फिल्ममा आफू अनुबन्धित भएको नायिका वर्षा राउतले पुष्टी गरिन् ।

फिल्ममा मुकुन भुषाल, सुशिल सिटौला र कोशिश क्षेत्रीको पनि मुख्य भूमिका रहनेछ । फिल्मलाई महिला केन्द्रित बनाउने तयारी कृषाको छ । यसअघि अरुकै निर्देशनमा केही फिल्ममा लगानी गरेर डुबेपछि कृषाले आफै निर्देशन यात्रा थाल्न लागेकी हुन् ।