‘गुञ्जन’ निर्माताको घोषणाः फिल्म मन नपरे पैसा फिर्ता दिन्छु

पौषको २९ गतेबाट रिलिज हुन लागेको फिल्म ‘गुञ्जन’को आज दोश्रो ट्रेलर सार्वजनिक गरियो । ट्रेलर सार्वजनिक कार्यक्रममा यो फिल्मका निर्माता हिराकृष्ण शाहीले नयाँ घोषणा गरे । उनले, फिल्मको कथावस्तु मन परेन भने दर्शकको टिकटको पैसा फिर्ता गर्ने घोषणा गरे । फिल्मप्रति उनी पूर्ण रुपमा आत्मविश्वासी देखिएका छन् ।

उनले भने–‘यदि, फिल्म मन परेन भने दर्शकले मेरो नम्बरमा फोन गर्न सक्नुहुन्छ । म मन नपर्नुको केही कारण पक्कै पनि सोध्नेछु । त्यसपछि दर्शकले काटेको टिकटको सबै पैसा फिर्ता गर्नेछु ।’

हिराकृष्णले फिल्म उत्कृष्ट बनेको दाबी गर्दै समय लगाएर काम गरेको बताए ।