‘गुञ्जन’को दोश्रो ट्रेलरः प्रेममा साराको छटपटी, प्रितम र कविरको युद्ध

एएच इन्टरटेन्मेन्ट प्रा.लि र हिरा कृष्ण शाही फिल्मस्को प्रस्तुतिमा तयार भएको फिल्म ‘गुञ्जन’को दोश्रो ट्रेलर आज सार्वजनिक भएको छ । पहिलो ट्रेलरले अपेक्षित चर्चा नपाएपछि आज कार्यक्रमको नै आयोजना गरेर दोश्रो ट्रेलर सार्वजनिक गरिएको हो ।

सरोज खनाल, हिउवाला गौतम, सारा सिर्पाली, प्रितम राज सेन्चुरी, कविर खड्का लगायतका कलाकारको अभिनय रहेको फिल्मले त्रिकोणात्मक प्रेमकथा भन्छ ।

यो फिल्मको ट्रेलरमा साराका लागि कविर र प्रितमबिचको युद्धको कथा देखाइएको छ । फिल्मलाई अष्ट महर्जनले निर्देशन गरेका हुन् । फिल्ममा हिरा कृष्ण शाही र सुनिता शाहीको लगानी छ । महेश दवाडीको कथामा तयार भएको फिल्ममा राजेश श्रेष्ठको छायांकन, कविराज गहतराजको कोरियोग्राफी, विपिन मल्लको सम्पादन छ ।

यो फिल्मको ट्रेलरलाई प्रेममय बनाइएको छ । एक यूवतीले आफ्नो जीवनमा भोग्ने प्रेमको आरोह अवरोहलाई फिल्ममा प्रस्तुत गरिएको वुझ्न सकिन्छ । निर्देशक महर्जनले फिल्मलाई उत्कृष्ट बनाउने कोशिश गरेको भन्दै दर्शकलाई मनपर्ने विश्वास व्यक्त गरे ।