‘मुन्द्रेको कमेडी क्लब’को अध्यक्षमा प्रियंका, एक भाग सुटिङ

नायिका प्रियंका कार्की अब कमेडी रियालिटी शो ‘मुन्द्रेको कमेडी क्लब’को अध्यक्ष बनेकी छिन् । माघको दोश्रो साताबाट नेपालको कुनै एक टेलिभिजनबाट प्रशारण हुने यो रियालिटी शोको अध्यक्ष भएर प्रियंकाले एक भाग छायांकन पनि गरिसकेकी छिन् ।

यो शोका संचालक जितु नेपालले एक भाग छायांकन भएको पुष्टी मेरो फिल्मसँग गरेका छन् ।

यसअघि यो शोको अध्यक्षमा दीपाश्री निरौला र करिश्मा मानन्धर थिए । तर, यी दुबै शोमा दोहोरिएनन् । करिश्माले दोश्रो सिजनको ‘मुन्द्रेको कमेडी क्लब’मा अध्यक्षको जिम्मा सम्हालेकी थिइन् ।