के नोरा फतेहीसँग डेट गरिरहेका छन् साहरुखका छोरा आर्यन ?

केही दिनयता बलिउड नायक साहरुख खानका छोरा आर्यन खानको डेटिङको खबरले भारतीय मिडिया तातेका छन् । विशेषगरि, आर्यन हट मोडल तथा नायिका नोरा फतेहीसँग डेटमा रमाइरहेको खबर सार्वजनिक भएसँगै यसले बी टाउनमा तरंग ल्याएको छ ।

साहरुख र नोरा दुबै जना दुबइमा थिए । दुबइमा रहँदा उनीहरुको केही व्यक्तिसँगको तस्वीर सार्वजनिक भयो । तस्वीर सार्वजनिक भएसँगै मिडियामा उनीहरुको डेटको खबर सार्वजनिक हुन थालेको हो ।

यो बिषयमा अहिलेसम्म कुनै पनि पुष्टी भने भएको छैन । नोरा र आर्यनको एकसाथ तस्वीर भने सार्वजनिक भएको छैन । तर, उनीहरुले तस्वीर खिचाएका व्यक्ति एउटै भएपछि उनीहरुको डेटको खबर बाहिर आएको हो ।

केही अघि आर्यन र नायिका अनन्या पाण्डेको डेटको खबर पनि सार्वजनिक भएको थियो । आर्यन र नोराको नयाँ खबर सार्वजनिक भएसँगै अधिकांश फ्यानले अनन्यालाई लिएर चिन्ता व्यक्त गरेका छन् ।