उपासनाले साइन गरेसँगै ‘हात्तीछाप’मा ‘२ नम्बरी’कै कलाकार

किरण नेपालीको प्रस्तुतिमा तयार हुन लागेको फिल्म ‘हात्तीछाप’मा नायिका उपासना सिंह ठकुरी पनि फाइनल भएकी छिन् । यसअघि किरणले फिल्ममा नायकद्धय दयाहाङ राई र सौगात मल्ललाई साइन गराइसकेका छन् ।

उपासनाले बुधबार फिल्म साइन गरेकी हुन् । उपासना अभिनित फिल्म ‘डिसेम्बर फल्स’ हलमा लागिरहेको छ । फिल्ममा उपासना पनि फाइनल भएपछि अब सुपरहिट फिल्म ‘२ नम्बरी’कै मुख्य कलाकार यो फिल्ममा हुने भएका छन् ।

असोजमा रिलिज भएको यो फिल्ममा पनि दया, सौगात र उपासना नै मुख्य भूमिकामा थिए । फिल्मलाई सिमोस सुनवारले निर्देशन गर्दैछन् । फिल्मको वितरण आरआर फिल्मस्ले गर्दैछ ।

प्रदीप भारद्धाजको लेखनमा तयार भएको फिल्मको छायांकन चैत्रबाट सुरु गर्ने तयारी निर्माणपक्षको छ । फिल्मलाई सामाजिक कथावस्तुमा तयार पारिनेछ ।