फिल्म ‘पठान’को ट्रेलर रिलिज अघि लीक !

बलिउड अभिनेता शाहरुख खानलाई ठूलो पर्दामा हेर्न फ्यानहरु आतुर छन् । यो फिल्म मार्फत शाहरुख खान चार वर्षपछि ठूलो पर्दामा फर्किन लागेका हुन् । योसँगै पठानको पोस्टर र गीत रिलिज भएपछि फ्यानमा यो फिल्मको चर्चा दोब्बर भएको छ ।

शाहरुखको आगामी फिल्म पठान रिलिज हुनुअघि नै चर्चामा छ । बेशरम रंग गीत रिलिज भएदेखि नै फिल्मलाई लिएर निकै विवाद भएको छ । बेशरम रंग पछि पठान झूम जो पठानको अर्को गीत रिलिज भएको थियो । यो गीतलाई फ्यानहरुले पनि निकै रुचाएका छन् । यति धेरै विवादपछि फ्यानहरु यो फिल्मको ट्रेलरको प्रतिक्षामा रहेका छन् । यस्तो अवस्थामा शाहरुखको एउटा भिडियो सामाजिक सञ्जालमा निकै भाइरल भइरहेको छ । यो भिडियो पठानको ट्रेलर भएको बताइएको छ । त्यसोभए यो भिडियोमा कति सत्यता छ त ?।

त्यसो त शाहरुखलाई फ्यानहरु ठूलो पर्दामा हेर्न चाहिरहेका छन् । सार्वजनिक भएको एक एक्सन भिडियो निकै भाइरल भइरहेको छ जसका लागि यो फिल्म पठानको ट्रेलर भएको दाबी गरिएको छ । यस भिडियोमा शाहरुख फुल एक्शन मोडमा देखिएका छन् र कडा लडाई गरिरहेका छन् । तर वास्तवमा पठानको भिडियो लिक भएको छैन । यो भिडियो पठानको होइन शाहरुख खानको पुरानो भिडियो हो । यो भिडियो चिसो पेयको विज्ञापन हो। यति मात्र होइन, कमेन्ट सेक्शनमा शाहरुख खानका फ्यानहरूले यसलाई ड्रिंकको विज्ञापन भनेका छन् ।

पठान फिल्मको ट्रेलरको कुरा गर्दा यसको ट्रेलर जनवरी १० मा रिलिज हुँदैछ । फिल्म जनवरी २५ मा हलमा रिलिज हुनेछ । विवादका बीचमा पनि यो फिल्मले दर्शकमाझ निकै चर्चा पाइरहेको छ । अब यो फिल्मलाई दर्शकले कति रुचाउनुहुन्छ त्यो भने हेर्न बाँकी छ ।

#Pathaantrailer#pathaan
Trailer leaked 🤯 !! pic.twitter.com/mq0zXAqWtL

— Kanchana Run_out 🕓 (@KanchanaOut) January 2, 2023