निर्देशक भट्टराईको नयाँ फिल्ममा आर्यन सिग्देल अनुबन्धित

निर्देशक मधुसुदन भट्टराईको निर्देशन रहने नयाँ फिल्ममा अभिनेता आर्यन सिग्देल अनुबन्धित भएका छन् । निर्माण पक्षले बुधबार आर्यनलाई अनुबन्ध गरेको हो ।

लक्ष्मण सुवेदी लेखक रहेको फिल्मको छायांकन फागुन पहिलो साताबाट हुने सुवेदीले बताए ।

नाम नराखिएको फिल्ममा केही दिनअघि कलाकार मुकुन भुसाल अनुबन्धित भइसकेका छन् । फिल्म पारिवारिक र प्रेमकथामा बन्ने बताइएको छ ।