सिंघम अगेनको तयारीमा रोहित र अजय

बलिउड स्टार अजय देवगनका लागि सन् २०२२ विशेष रह्यो । उनको कयौं फिल्म सन् २०२२ मा रिलिज भए पनि ‘दृश्यम २’ले विशेष स्थान पायो । यो फिल्मले बक्सअफिसमा उत्कृष्ट व्यापार गर्याे। यो फिल्मपछि अजयको ‘भोला’ रिलिजको तयारीमा छ ।

हालैमात्र अजयले निर्देशक रोहित शेट्टीका साथ एक तस्बिर सामाजिक सञ्जालमा सेयर गरेका छन् । ‘नयाँ वर्षको राम्रो शुरुवात भएको छ । मैले सिंघम अगेनको स्क्रिप्ट सुनें, जुन निकै शानदार छ । यो फिल्म हामी दुवैको ११ औं ब्लकबस्टर हुनेछ’, अजयले लेखेका छन् ।

यसअघि नै फिल्ममा अजयका साथ अभिनेत्री दीपिका पादुकोण लेडी सिंघमका रुपमा दर्शकमाझ आउने सार्वजनिक भइसकेको छ ।

Made a good start to the New Year with #RohitShetty’s narration of Singham Again. The script I heard is 🔥

God willing this will be our 11th blockbuster 🙏 pic.twitter.com/hyUvhGelnY

— Ajay Devgn (@ajaydevgn) January 2, 2023