स्वस्तिमाको ‘टुल्की’ चैत्र ३ मा

बहुपति प्रथाको कथामा तयार भएको फिल्म ‘टुल्की’ चैत्रको ३ गतेबाट रिलिज हुने भएको छ । हिमाली क्षेत्रमा प्रचलित बहुपति प्रथामा आधारित यो फिल्मलाई द पाल्म ग्रुप प्रा.लिले निर्माण गरेको हो । यो फिल्मलाई डोल्पामा खिचिएको हो ।

देवजङ्ग थापाको निर्देशनमा तयार भएको फिल्ममा सुसिल अधिकारी र नमराज घिमिरेको छायांकन, शेखर लामाको प्रस्तुति, आरपी कर्माचार्य र उजेली लामाको लगानी छ । लक्ष्मण सुनारको लेखन रहेको फिल्ममा पटकथा शेखर लामाको छ ।

तारा थापा किम्भेको सम्पादन रहेको फिल्ममा लिगेश भट्टराई र रमेश बुढाथोकीको कोरियोग्राफी छ । यो फिल्ममा शिशिर वाङ्देल, स्वस्तिमा कार्की, सोफिया लिम्बु, नरेन्द्र तामाङ लगायतका कलाकारको अभिनय छ ।