‘फूलबारी’को ‘माया रैछ र’ गीत रिलिज

फागुणको ५ गतेबाट रिलिज हुन लागेको फिल्म ‘फूलबारी’को पहिलो गीत ‘माया रैछ र भर रैछ नी’ बोलको गीतको लिरिकल भिडियो सार्वजनिक भएको छ ।

अंग्रेजी नयाँ बर्षको पूर्व सन्ध्यामा यो फिल्मको सुमधुर गीत सार्वजनिक गरिएको हो । यो गीतमा कालिप्रसाद बास्कोटाको शब्द, संगीत र स्वर छ । गायकीमा उनलाई गायिका सदिक्षा कट्टेलले साथ दिएकी छिन् ।

फिल्ममा विपिन कार्की, अरुणा कार्की, दयाहाङ राई, प्रियंका कार्की, गौमाया गुरुङ, शिल्पा मास्के, सोमनाथ खनाल, मनिष ढकाल, लोकेन्द्र लेखक, साक्षी सिंह भण्डारी, रुजा राउत, रुपेश दाहाल, सुमित्रा गोम्जा, कायरा कार्की, सोफिया राइको मुख्य भूमिका छ ।

जोश हेरुमको छायांकन रहेको यो फिल्ममा रामबाबु गुरुङको निर्देशन छ । फिल्ममा मणिराम पोखरेल कार्यकारी निर्माताको रुपमा छन् । निमेष श्रेष्ठको सम्पादन रहेको यो फिल्ममा मनोज श्रेष्ठको भीएफएक्स छ ।

फिल्मको यो गीतले पनि दर्शकको माया पाउने देखिएको छ । गीतको अडियोले दर्शकको मुटु हल्लाइदिन सक्छ ।