बिबेक ओबरायले दिए प्रचण्डलाई बधाई

तेश्रो पटक नेपालको प्रधानमन्त्रीमा नियुक्त भएका प्रचण्डलाई भारतीय नायक बिबेक ओबरायले बधाई दिएका छन् । उनले सामाजिक संजालमा प्रचण्डसँग केही दिन अगाडिको भेटको तस्वीर पोष्ट गर्दै बधाई दिएका हुन् । नेपाल जस्तो सुन्दर देशको प्रधानमन्त्री भएकोमा उनले बधाई लेखेका छन् ।

बिबेक शनिबार मात्र नेपालको १० दिनको भ्रमण सकेर भारत फर्र्किएका थिए । नेपाल आएकै दिन उनले प्रचण्डसँग खुमलटारमा भेट समेत गरेका थिए । बिबेकले सो दिनको स्मरण गर्दै प्रचण्डबाट पाएको न्यानो आतिथ्यताका लागि पनि धन्यवाद दिएका छन् ।

उनले, भेटका क्रममा प्रचण्डले देखाएको आतिथ्यताले नेपालको संकृति झल्कने पनि उल्लेख गरेका छन् । नेपालमा दश दिन बिताउने क्रममा बिबेकले पशुपतिनाथको दर्शन गर्नुको साथै लुम्बिनी, पोखराको समेत भ्रमण गरेका थिए ।