यूग फर्किन्छ कि फर्किदैन शुक्रबार थाहा भैहाल्छ : आर्यन सिग्देल

पौषको १५ गतेबाट देशभर रिलिज हुने फिल्म ‘डिसेम्बर फल्स’ले व्यापारिक रुपमा पनि सफलता पाउने अपेक्षा धेरैको छ । नेपाली फिल्ममा केही समयदेखि चलिरहेको व्यापारिक खडेरीलाई यो फिल्मले पुर्ने अपेक्षा गरिएको हो । योसँगै नायक आर्यन सिग्देलको लामो समयदेखि चलिरहेको कमजोर स्टारडमलाई पनि यो फिल्मले हटाउने विश्वास फिल्मीकर्मी र मिडियाकर्मीको छ ।

यो फिल्मको ट्रेलर सार्वजनिक भएपछि कतिपय दर्शकले आर्यन सिग्देलको यूग फर्किएको भन्दै प्रतिक्रिया पनि दिइरहेका छन् ।

के यो फिल्मबाट आर्यन यूग फर्किन्छ त भन्ने प्रश्नमा आर्यनले भने–‘हुनत, म यूग फर्किने वा नफर्किने कुरामा विश्वास गर्दिनँ । तर, यो पटक म केही गम्भिर छु । अब, यूग फर्किने नफर्किने कुरा त शुक्रबार थाहा भैहाल्छ नी ।’

आर्यनले यो पटक आफ््नो मन अरु बेला भन्दा बढी पोलेको बताए । भने–‘मेरो एउटा साथी छ, नोभेम्बर रेन’ रिलिजको समयमा भन्दा बढी यसपटक मेरो मन पोलेको छ । फिल्मलाई दर्शकले कसरी लिनुहोला भन्ने पनि लागेको छ ।’

आर्यनले यसपटक फिल्ममा उपासना सिंह ठकुरीलाई जोडी बनाएर काम गरेका छन् ।