रोहित र रणवीरको ‘सर्कस’लाई खराब समीक्षा, कमजोर ओपनिङ

आजबाट रिलिज भएको बलिउड फिल्म ‘सर्कस’ले निक्कै नै खराब समीक्षा पाएको छ । रोहित सेट्टीको निर्देशनमा तयार भएको यो फिल्मलाई अधिकांश समीक्षकले मिति सकिएको भनेर लेखेका छन् । दर्शकले पनि फिल्मलाई निक्कै नै खराब समीक्षा दिएका छन् ।

फिल्मको कमजोर बुकिङले ओपनिङ पनि निक्कै खराब भएको छ । जसकाकारण, यो फिल्मले बक्स अफिसमा गतिलो कमाई नगर्ने पक्का देखिएको छ ।

रोहित सेट्टीको फिल्ममा जस्तो कमेडी र मनोरञ्जन यो फिल्ममा नभएको समीक्षकको तर्क छ । दोश्रो हाफमा केही रमाइला दृश्य भएपनि ती पर्याप्त नभएको तर्क ट्रेड पण्डितहरुले दिएका छन् । फिल्ममा रणवीर सिंह, ज्याकलिन फर्नान्डेज, पूजा हेग्डे लगायतका कलाकारको अभिनय छ ।

यो फिल्म पनि असफल भएको खण्डमा रणवीर सिंहको लगातार तेश्रो फिल्म असफल हुनेछ ।